Bard’s Oration 1975
” The Village Ha’ “
In January eighteen eighty yin
Some men sat down in Henderson’s Inn
Tae have a dram, a crack and a heat
That was where they used to meet
There was Pearson, Fairbairn, Henderson there
Garlick, Craik and then yin mair,
Cam in fae the storm a covered wi’ snaw
He slammed the door and said ‘Let it Blaw’
They spoke o’ Rab, as weel they micht,
For he was born on sic a nicht,
A hundred years lang syne and mair
Doon in that cottage just near Ayr,
This they spoke of when they met
The picture ……… winnae let us forget
Ye see it hingin’ on the wa’
The Founder Members o’ ‘Let it Blaw.’
It started up in richt guid style
The members came frae mony a mile
plooman, laird, tradesman, teacher
butcher, baker, coalman, preacher,
As they arrived tae dae their stuff,
Tae be welcomed in by Johnnie Fuff (John Fairbairn)
O wouldn’t it be a sicht sae braw,
Tae see them here at ‘Let it Blaw.’
And but for wars or a bereavement
I really think it’s some achievement
In fact I’d say we’re on a winner,
No tae miss an annual dinner
It’s shifted aboot this Burns Club
Worker’s Howff, hotel and pub,
But now at last in the Village Ha’
We’re allowed to have the ‘Let it Blaw.’
And through the years o’ peace and strife
It’s played its part in Village life
The Club gies prizes for bairns turns
O singin’ and recitin’ Burns
But now ma muse her wing maun cour
So in your glasses whisky pour
On yer feet cronies yin an’ aw
An’ drink a toast to ‘Let it Blaw.’