Let It Blaw’s August Committee.
Jist canna meet – an awfu pity.
They’ve tried since April – but in this instance
They maun keep apart and “social distance.”
The eight are like a boat-race crew
Working weel thegither in ma view
Like ony ither winnin’ eight
They’ve a Cox on board tae keep them straight.
Donald John’s frae this locality.
I.T.’s his thing – “virtual reality.”
His plan’s approved. The committee’s set
Tae meet care of the internet.
The COVID Curse is the excuse.
Tae meet wi’ each man in his hoose.
“Zoom” is the answer, on this date
“Online” they will communicate.
The Lothians – Mid, East and West
Were linked at Donald John’s request.
And by some devilish cantrip slight –
Each viewed a screen wi’ flickerin’ light.
Each marvelled at the stuff they’re hearin,
They knew that they were pioneerin’.
The “Minutes” Alex wrote at his leisure.
Were quickly winged away wi’pleasure.
The “Banes” were picked wi megabytes
Wi ony “Issues” pit tae rights.
Agenda items in succession
Were quickly dealt wi in this session.
Withoot a barman tae intrude-
“On Time” the meeting did conclude.
Like the Twa Dugs at the close of play,
They swore tae meet some ither day.
The Bard’s technophobic – He leaves tae Harry Potter
The “virtual world”- He has his jotter
And pencil tae communicate.
Fur the record, he maun state-
Wi “Zoom” he really has tae struggle –
I guess he must be classed a Muggle.
P.S. – I hope none here has the temerity.
Tae gainsay my record for posterity!